Инглиз телендә сөйләшәбез һәм җырлыйбыз
Тугызынчы ел рәттән безнең районда инглиз телен яратучыларның муниципаль фестивале уза. Фестивальнең сайлап алу турында Азнакай районының барлык гомуми белем бирү учреждениеләреннән 5-11 нче сыйныфлардан 112 укучы катнашты. Чыгышларга бәя биреп, жюри, барыннан да элек, инглиз телен белү дәрәҗәсен, башкару осталыгын, катнашучыларның артистлыгын исәпкә алды.
2019 елның 27 февралендә Азнакай шәһәренең балалар һәм яшьләр иҗаты үзәгендә фестивальнең гала-концерты узды. Балалар өч номинациядә чыгыш ясадылар: шигырь әсәре, җыр (соло), җыр (төркем), үзләренең сәхнә осталыгын һәм инглиз телен яхшы белүләрен күрсәттеләр. Фестиваль укучылар арасында зур популярлык казана бара һәм киләсе елда «инглиз телендә сөйләшәбез һәм җырлыйбыз»X юбилей фестивален үткәрү планлаштырыла.