Җылылык белән тәэмин итү өлкәсендә нормативларны раслау турында

Татарстан Республикасы Тарифлар буенча дәүләт комитеты (алга таба – Дәүләт комитеты) Сезнең игътибарга түбәндәге мәгълүмат җиткерә:

Татарстан Республикасы Министрлар Кабинетының «Татарстан Республикасы Министрлар Кабинетының аерым карарларына үзгәрешләр кертү турында» 2009 ел, 23 май, 433 нче карары нигезендә Татарстан Республикасы Дәүләт комитетына раслау буенча вәкаләтләр беркетелгән:

- халык саны 500 мең һәм аннан күбрәк булган авыл җирлекләрендә, шәһәр округларында урнашкан җылылык челтәрләреннән тыш, җылылык энергиясен тапшырганда технологик югалтулар нормативларын раслау турында ; ;

- җылылык энергиясен җитештергәндә җылылык энергиясе чыганакларына, электр энергиясен җитештерүнең билгеләнгән егәрлеге 25 мегаватт һәм аннан күбрәк булган электр һәм җылылык энергиясен катнаш эшләп чыгару режимында эшләп килүче җылылык энергиясе чыганакларыннан тыш, җылылык энергиясе чыганакларына җылылык энергиясе җитештергәндә ягулыкның чагыштырма чыгымы нормативларын раслау турында;;

- электр энергиясен җитештерүнең билгеләнгән егәрлеге 25 мегаватт һәм аннан күбрәк булган электр һәм җылылык энергиясен катнаш эшләп чыгару режимында эшләп килүче җылылык энергиясе чыганакларыннан тыш, җылылык энергиясе чыганакларына ягулык запаслары нормативларын (алга таба – нормативлар).

Шуны да билгеләп үтәргә кирәк, «җылылык белән тәэмин итү турында» 27 июль, 2010 ел, №190-ФЗ Федераль закон нигезендә җылылык белән тәэмин итү өлкәсендә тарифларны билгеләгәндә җайга салучы тарафыннан расланган нормативларны мәҗбүри куллану каралган.

Җайга салынулы оешмаларга 2021 елга тарифларны җайга салуда расланган нормативларны вакытында анализлау һәм алга таба исәпкә алу максатыннан чыгып, агымдагы елның 1 мартына кадәр Дәүләт комитетына материаллар белән мөрәҗәгать итәргә киңәш ителә.

Шул ук вакытта җылылык белән тәэмин итү объектларының нормативларны һәм тариф эшләрен раслау буенча материалларда катгый туры килүен үтәү зарур.

Шуны да билгеләп үтәргә кирәк, нормативларны раслау буенча вәкаләтләр дәүләт хезмәтләренә кертелгән.

Шуңа бәйле рәвештә, нормативларны раслау өчен Дәүләт комитетына тапшыру өчен материалларның тулы исемлеге нормативларны раслау буенча дәүләт хезмәтләре күрсәтүнең тиешле административ регламентларында (алга таба-регламентлар) каралган, ул Дәүләт комитеты сайтында Документлар > дәүләт хезмәтләре күрсәтү бүлегендә урнаштырылган.